SKARALLAOS
ARTE: Música
ESTILO: Ska-reggae-punk
FORMATO: Formación de seis músicos

Ska, rumba, reggae, punk… A fusión de estilos e rtimos é unha das marcas da casa de Skarallaos, unha banda orixinal, enérxica e, sobre todo, festeira. E é que o principal ingrediente de Skarallaos é a enerxía positiva que transmiten nos seus directos, unha festa asegurada que non deixa indiferente a ninguén.

Os primeiros acordes de Skarallaos oíronse en xaneiro de 2008 en Vilaboa, no entorno da Coruña, da man de dous amigos con gañas de facer oír as súas ideas sobre o sistema, a vida e o día a día. Logo de varias incorporacións e baixas (os ex-skarallaos Javi, Jose, Fernan, Borja e Carlos) a formación actual intégrana Moncho (guitarra eléctrica e voz), Luciano (baixo e coros), Jose (clarinete, melódica, guitarra acústica e voz), Lydia (teclado, percusións e voz), Máquez (trombón) e Álex (batería).

Na súa breve historia, Skarallaos levan dado ducias de concertos en Galicia e noutras comunidades como Cantabria, e teñen compartido escenario con grupos consagrados como Che Sudaka ou La Pegatina.