BROTHERS IN BAND
ARTE: Música
ESTILO: Rock clásico
FORMATO: Nove músicos en escea (tributo a Dire Straits)

Brothers in Band nace na Coruña a principios de 2008 para homenaxear a unha das bandas máis míticas e decisivas na historia do rock: os Dire Straits. Hai outros grupos tributo aos Dire Straits, pero Brothers in Band é o único que respecta o formato que a banda británica levou na súa mítica xira de 1992 --a última até hoxe--, On the night: dúas guitarras (Óscar Rosende e Antonio Abad), baixo (Fernando Abenza), batería (Miguel Lamas), dous teclados (Nacho Varela e Iago Mouriño), percusión (Miguel Queixas), saxo (José Rodríguez) e steel guitar (Ángel Ruíz).

A súa fidelidade aos temas orixinais, como os clásicos Money for nothing, Sultans of swing ou Walk of life, converte os concertos de Brothers in Band en auténticas máquinas do tempo que fan as delicias dos amantes do mellor rock dos anos 70 e 80. De feito, Brothers in Band pode presumir de contar coa bendición dos propios membros Dire Straits, en concreto coa do teclista Guy Fletcher, que cando escoitou os ensaios en directo da banda galega durante un festival no que coincidiron en Granada, pensou que se trataba dunha gravación orixinal de Mark Knopfler. Brothers in Band tocou xa por toda España, incluída a actuación estrela da que foi primeira festa de fans dos Straits en España, celebrada co apoio do manager de Knopfler en febreiro de 2009 en Ourense.